Hvað pýramídasvindl getur verið "rótgróið"

Ég hef tekið þátt í svo mörgu svona. Þar til ég komst að því að þó svo að fyrirtækið sé rótgróið (fólk veit í rauninni ekkert um það því að netið getur verið með falskar upplýsingar) og maður sé að fá einhvern smá pening fyrir vinnuna getur það líka verið svindl.

Tek til dæmis þetta Maverick Money Makers. Ég fékk einhvern 80 þús kall fyrir þetta en tók mig yfir ár að fá þennan pening, engan veginn þess virði. Þá var maður auðvitað rosa spenntur og fór að auglýsa þetta sem rótgróið fyrirtæki og fékk nátturulega ávísun heim og allt. En hér kemur plottið í þessu.

Í þessum klúbb Maverick Money Makers sýnir kennarinn margar leiðir til að þéna pening. Á að vera rosa sniðugt, en enginn og þá meina ég enginn hefur grætt einhvern pening á því. Svo fer kennarinn vel í hvernig á að auglýsa sjálft business tækifærið. Þar getur maður fengið smá pening enn sjáið þið ekki plottið á bak við þetta?

Svindlið getur verið verulega úthugsað. Varan er kennsla í að þéna pening. En svo er ekkert að marka kennsluna, maður fær pening fyrir að auglýsa kennsluna, þá þarf eigandinn ekki að hafa fyrir því. Fólk fær smá pening fyrir að fá pening frá öðrum, öðruvísi þénar maður ekki peninginn. 

En enginn sem ég veit um hefur grætt einhverjar milljónir. Sem þýðir að fólk er að eyða tíma sínum haldandi í vonina, því það fær smá pening fyrir "vinnuna" en maður er að spila sama plottið við þann sem kaupir vöruna. Þarf að sannfæra hann um að þessi vara sé alvöru, að maður getur lært margar leiðir til að þéna á netinu. (sem virkar ekki og þú veist það sjálf/ur), og maður verður bara "desperate" að fá pening. 

Þá fer maður að trúa að þetta sé ekki svindl og horfir framhjá raunveruleikanum og fer að sannfæra fólk að þetta sé alvöru. Svindl gengur best og lengst þannig að sjálfsögðu.

Þetta er bara eitt dæmi hvað svindl getur verið "rótgróið". Þó svo að það sé kynning á einhverju, fundur....hljómar rosalega viðskiptalega að fara á fund (frekar "heilaþvoun") og meiri segja þó svo það stendur einhversstaðar á netinu með rosalega "pró" heimasíðu um fyrirtækið ertu að segja mér að það sé endilega stimpill á alvöru fyrirtæki, ekki láta spila svona með þig :)

Takk fyrir að lesa,

Steinar

Þá get ég andað rólega!

Gott að vita þetta :)

 

En hver man eftir leiknum Jones in the fast lane?

 

 

 

Spila leikinn! 

Arfurinn var 180 krónur

Þetta vefst ekki fyrir honum

 

En getur hann sagt vaðlaheiðavegavinnuverkfærageymsluhúslyklakippuhringurinn?

 

 

The Daily Show With Jon Stewart

Mon - Thurs 11p / 10c

Volcanolypse 2010

www.thedailyshow.com

Daily Show Full Episodes

Political Humor

Tea Party

Meira um eldgosið og myndir hér.

Kann að segja Eyjafjallajökull

Rosalega langar mig í útsýnisferð þangað!

 

 Þetta er ómissandi fegurð. Þar sem ég er áhuga ljósmyndari gæti maður tekið margar landslagsmyndir. En hvað kostar svona útsýnisferð?

Annað mál. Hvað er forsetinn okkar að babbla núna! Hvernig dettur honum í hug að halda því fram að Katla muni gjósa, hræða heimsbyggðina að óþörfu.

Hér er myndbandið á BBC News

Eins og sparkað í flugvélina

Kemur mér ekkert á óvart að þetta sé út af öskunni

 

Eins og norski maðurinn sagði um daginn að hættan væri engin og að þetta væri bara móðursýkiskast. Betra að vera 100% öruggur þegar kemur að farþegum.

En rosalega hefur þessi aska mikil áhrif, og mun sjálfsagt dreifast um allan heiminn. Askan mun hafa verstu áhrif suður á boginn. Í Afríku, og fer bráðum til Asíu og mun hafa áhrif á mikinn gróður. 

Við getum allaveganna verið viss um að flestir í heiminum vita hvar Ísland er.

Nauðlending í Norður-Noregi

Skiljanlegt

 

Rosalega mikið í gangi á Íslandi þessa dagana. En man einhver erftir Icesave? Er það mál ekki bara orðið úrelt :)

Ég get endalaust hlegið að þessum fréttaflutningi frá BBC fréttastofunni þegar maðurinn reynir að segja Eyjafjallajökull.

http://news.bbc.co.uk/2/hi/europe/8620352.stm

Fólk gangi með rykgrímur

Alvörugefin frétt!

 

Þrír menn eru nú þegar úrskurðaðir látnir við upplesturinn á skýrslu rannsóknarnefnd Alþingis. Lögreglan hefur tilkynnt að það yrði ágætt ef þeir sem eru fengnir til að lesa skýrsluna upp fengu allaveganna eitthvað að borða og vatn að drekka þegar lesturinn er í gangi. Vigfús Hreiðarsson rannsóknarlögreglumaður var reyndar ekki við sem stendur þegar fréttamaður hjá Vikuhorni reyndi að fá skýringu á þessu. En hann komast að því að Vigfús var víst staddur á fleka í miðju Atlantshafinu. Það er hinsvegar önnur frétt, sem við nennum ekki að fjalla um.

Trúlega fimm hundruð ísraelskir skæruliðar voru handsamaðir í pylsuveislu nú á dögunum. Fylgst hafði verið með þeim. Þeir voru klæddir í smóking í einni virtustu pylsuveislu sem haldin er á 5 ára fresti og háma í sig pylsur og þamba þykkmjólk. Við hjá Vikuhorni skiljum eiginlega ekki hversvegna fréttamður okkar kom með þessa frétt. Enda var hann rekinn, já hann var rekinn út úr kaffistofunni. 

5 menn í Bretlandi sem staddir voru á krá voru beðnir um að hætta þessu tali um þræla og einn var skotinn í hægra eistað með baunabyssu. En þar var misskilningur á ferð. Þeir voru að tala um Icesave en þeir voru svo fullir og mikið slím í hálsinum svo að fólkið á kránni hélt þeir væru alltaf að segja Iceslave. Út af þessum misskilning var óvart einn maður lengst inni í horni á kránni sem hafði verið í þrælabúðum í Rússlandi. Hann tók þessu ekki vel og hringdi í alla sem hann þekkti og bað fólkið um að koma á kránna og kenna þessum mönnum lexíu og vera ekki að tala svona um þræla! Þar sem þessi maður var 89 ára gamall kom ekki nema tvær aldraðar konur í göngugrind en létust samstundis þegar 10 lítrar af sjóðandi lýsi helltist yfir þær þegar þær voru að ganga yfir götuna því kráin var hinu megin við götuna. En flutningarbíll sem var með tank fullan af lýsi sá ekki konurnar fyrr en það var of seint svo hann valt bílnum og lýsið helltist yfir konurnar og þær soðnuðu. Allt þetta gerðist út af þessum 5 mönnum sem höfðu ekki hugmynd um að þetta gerðist eða að þeir ullu þessu. 

 

Vísindahornið

Vísindamenn okkar fengu afrit af skýrslu rannsóknanefnd Alþingis á borð til sín. Þeir hafa ekki hugmynd um afhverju og hafa þeir notað skýrsluna sem efnivið í brennu sem þeir kveiktu í og dansa í kringum eldinn. Þeir halda að það sé líklegt að stjörnurnar á himnum muni koma með svar. Verst að það var hábjartur dagur og engar stjörnur.

 

Smáauglýsingar

Trúbador og vælukjói óskar eftir húsnæði í Asparholti. Nánari upplýsingar.  sími : 118, spurðu um trúbadorinn Einar.

Hjólastóll Upphækkaður, með 20 tommu álfelgur, sígarettukveikjara, öskubakka, útvarp og 300 watta hátalara með 450 watta bassaboxi, óska eftir góðu tilboði. Ekkert ruglverð. 

Davíð Oddsson, ekki þessi þekkti óskar eftir að skipta á nafni við einhvern. Er helst að leita eftir Erlingur, Tinni eitthvað þessháttar. Upplýsingar : sími, á ekki síma. netfang, á ekki tölvu, ég verð á vappinu um Skúlagötu í mánuðinum, reyndu að hitta á mig. Verð með bláa derhúfu.

 

  ps. Þið sem lesið þetta hjá Vikuhorni, eru þið....uhhh ég veit ekki hvort ég á að nota fleirtölu, jahh ókei ef þið lesið þetta og rekist á okkur eða sjáið okkur ganga einhversstaðar viljið þið henda í okkur tómötum. Því við erum svo fátækir og frábært ef það gerðist um hádegisbilið svo við fengjum kannski einhvern hádegismat.